NOTICIAS

18/05/2012

GALICIA CALIDADE PATROCINA A 30ª EDICIÓN DO FESTILETRAS 2012

O domingo 20 de maio os asistentes poderán degustar unha seleción de petiscos elaborados con produtos amparados pola marca de garantía.

GALICIA CALIDADE PATROCINA A 30ª EDICIÓN DO FESTILETRAS 2012

A Consellería de Economía e Industria, a través de Galicia Calidade, patrocina a 30ª edición do Festiletras, certame promovido pola Fundación Eduardo Pondal na aldea do Couto, no concello coruñés de Ponteceso. En concreto, o domingo terá lugar unha degustación de produtos amparados polo selo de garantía de Galicia.

O certame, que se ten convertido nun referente cultural en toda a provincia, desenvolvese entre os días 16 e 20 de maio. Durante eses cinco días ten programados máis de 30 actos de todo tipo, con actuacións musicais e teatrais, maxia, contacontos, obradoiros e recitais poéticos, entre outros. O domingo terá lugar a apertura da Feira de Artesanía e a Feira do Libro Galego.

Degustación dos produtos Galicia Calidade

O domingo día 20 os asistentes ao Festiletras poderán, ademáis, degustar unha selección de produtos Galicia Calidade en forma de petiscos. En concreto serviranse:

Espuma de Patatas Conde con chicharróns e chourizo fritido Torre de Núñez, preparada con leite President e tona Feiraco.

Pequenos bocadiños de lacón Torre de Núñez e queixo Castillo de Pambre, con pan Ingapán.

Tortilla Coren á Carbonara con entrefrebado Torre de Núñez e tona Feiraco, rechea de atún Rianxeira e tomate.

Salpicón de polbo Gallego Pereira e conservas en escabeche Escurís e Luis Escurís Batalla.

Empanadas Kentes.

Todo isto acompañado de Pan de Ingapán e augas Cabreiroá e Mondariz, así como viños das de empresas asociadas a Galicia Calidade.  

Poden consultar o programa completo de actividades en www.festiletras.com.

Volver

SÉGUENOS EN:
ES | GL | EN
NOVAS ARQUIVO
HEMEROTECA